مدونتهم .. مدونتك ..!

هل بتحسوا ياجماعة باللي احس فيه ..

مدونات تشعرك بالراحة .. تحس انك مو غريب عن الانسان اللي بيدون . وكأنك تعرفه من زمن طويل ..

تتكلم كثير وتاخد راحتك وكأنها مدونتك .. تسوي اللي تبغاه وتخرج اللي في راسك ..

بصراحة عندي كم مدونة بالطريقة دي …

عندكم زيها ؟؟؟؟

هل بتحسوا بالراحة في بعض المدونات ؟؟؟

ولا بتتعاملوا رسمي في اغلب الحالات ؟؟

بعض المواضيع في بعض المدونات بتنقلب (شات) ..

ودا الشي بالرغم انه يضحك احيانا بس ممتع احيانا اخرى ..

هادا التواصل الصح ..

واعتقد انه ليه فايدة كبيرة للتدوين ..

وعلى استمرارية المدون نفسه ..

ولا ايش رأيكم ؟؟؟

Advertisements

14 تعليق

  1. أتفق معاج مية بالمية

  2. هههههههه

    شكلك تأثرتي بعد موضوع المطعم
    هههههههههه

    لا وكمان
    الشارع الي قدام المطعم زحمه يختي
    ايش دا

  3. يعني عندك كم مدونة بالطريقة دي ..
    إيش رأيك تدلينا عليهم ..

    طبعاً .. أفترض أن أول شرط للراحة .. هو وضوح المدون ( من أنت ما اسمك أين تعيش ما هي مبادئك ما هو ستايلك ) .. الثاني .. هو الأريحية في الطرح .. الثالث ..البساطة في إنتقاء المفردات اللغوية .. الرابع .. الـ( relevance ) في إنتقاء المواضيع التي ( تمت للقاريء بصلة ) .. الخامس .. ترتيب المدونة و أقسامها و التاقات و صفحاتها .. و في الأخير .. المحيط الهاديء من ألوان و صور ..

    أحاول شخصياً أن أوفي بكل هذه الشروط .. لكن الكمال لله .. و لا أجد مدونات كثيرة تفي بهذه الشروط ..

    خصوصاً الأول ..

    هاتي إللي عندك 🙂

  4. ماشي صح ..
    حلو .. أشكر مرورك ..

    شدا .
    لاتنسي موضوعك كمان 🙂 جبتيها وانت الصادقة 🙂
    الله لايحرمني منك …
    على فكرة أنت وحدة من تلك المدونات ..

    بندر ..
    اهلا .. كم مدونة ماراح أقول .. بس أنت منهم 🙂
    أول شرط صعب تحقيقه عندنا معشر الاناث .. لانه البعض قد يستغلها كمعلومات (ضد) وانت كانت هناك بعض التجاوزات مني انا لهذه الافكار (العتيجة)
    الثاني والثالث اتفق معاك بقوووة .. على الرغم من انو بعض الناس مايفض العربي العامي .. ماعندي مشكلة في ايت لغة عامي وفصيح
    الرابع طبعا طبعا .. وتبين افكار الانسان نفسه ..
    الخامس : اكيد وشرط اساسي على الرغم من تكاسلي في دا الشي ..

    انا اقلك . مدونتك من اروع المدونات اللي امر عليها يوميا 🙂

    اشكر مروركم
    حمستووووني وفرحتووني على وجه الصبح 🙂

  5. أشكرك يا ستّي ..

    أعطيكي مثل مهم .. بخصوص النقطة الأولى ..

    إنتي الآن ..
    مدونتك هذه .. فيها About لكن ما كتبتي فيه شيء ..

    أنا و الزوار هنا :
    نجهل مكانك ( مهم جداً ) ..
    نجهل إسمك ( غير مهم ) ..
    نجهل عمرك ( مهم جداً لنستوعب من أي جيل أنتي عندما نقرأ كلماتك )
    نجهل توجهاتك و مدارسك الحياتية ( مهم جداً )
    نجهل هدفك من التدوين ( أهم شيء )
    نجهل حالتك الإجتماعية ( مهمة عندما تطرحين مواضيع إجتماعية ) .. لأن كتابة المتزوجة مختلفة فكرياً عن العزباء عن المطلقة عن الموظفة عن الطالبة عن غيرهن ..

    ربما هناك أشياء أخرى .. في الحقيقة .. نجهل كل شيء ..

    لدرجة أننا نجهل كونك ( إنسان حقيقي ) من كونك ( شبح ) أو ( روبوت ) ..

    حسناً .. نعلم أنك في مكة المكرمة ( من سياق تدويناتك ) لكن عند دخول الزائر لأول مرة هنا .. ( و مدونات أغلب البنات و الشباب الذين لا يضعون نبذة عن أنفسهم ) قد لا يستوعب في أي قارة من قارات الأرض تعيشين و تدونين ! ..

    إكتبي من هذه المعلومات ما لا يضرك ..

    تخصصك في الجامعة ؟؟؟ ما هو ؟
    هل يضرك كشف هذه المعلومة مثلاً ؟ في الحقيقة هذه المعلومة مهمة جداً للزائر .. و ليست إلا مثل ..

    هذا الإقتراح ليس لكي وحدك .. الكلام لكل المدونين إناث و ذكور .. ما بكم على وشك التحول إلى روبوتات بلا ماضي ؟

    نعم هناك من لا نعلم عنهم أي معلومة و نستمر في القراءة لهم .. لكن مدوناتهم بالنسبة لنا ليست ذلك البيت المفتوح ..

    عموماً .. أتفهم وجهة نظرك .. تشاوري في الموضوع مع صديقاتك المدونات .. و إخرجوا لنا بورقة About me ستاندارد ..

    🙂

  6. أوه .. بخصوص ( نجهل إسمك ) طبعاً أقصد الإسم الأول .. لسبب أن ( كل واحد له من إسمه نصيب ) .. و عندما أقرأ لسمير .. فأنا أقرأ كلام سمير .. و ليس كلام يحي .. و لما أقرأ لفيصل .. غير عن لما أقرأ لإسماعيل .. طبعاً أحاول أتخيل شكل الإنسان من إسمه .. و أتخيل طباعه .. و أعتقد كلنا كذلك .. نتخيل من الإسم .. أما إسم ( أيانق ) ..
    أتخيل قافلة ماشية ؟؟؟
    🙂
    حتى لو إسم بشري وهمي .. ( سحر / سارة / عبير ) أفضل بكثير من إسم غير مرتبط بالبشر مثل ( مخاوي البر / فتى الشاطيء / القادم من بعيد / بنت الأحزان ) و غيرهم ..

  7. هو من جد فيه مدونات آخد راحتي فيها خاصة اللي أطل عليها كل يوم ويمكن في اليوم الواحد اكتر من مرة خخخ
    متى هدا الشي يصير؟ لما ارتاح للكاتب نفسه.. أحس اني اعرفه واعرف شي من طريقة تفكيره.. طبعاً هدا يعتمد على كتاباته وبحاول اني أربط بينه وبين الكتابات نفسها.. أوقات حتى السمايلات لها دور 😀
    فهي ناس أزورهم وأرد عليهم لكن بطريقة رسمية.. مين هدول؟ اللي أحس انه فيه gap كبير بيني وبينهم من ناحية العمر – الخبرة في الحياة – طريقة التفكير.. أحترمهم طبعاً.. لكن ما أكثر كلام معاهم..
    فهي ناس أقرأ لهم كتير.. لكن ما أقدر أرد عليهم.. مو شي.. بس كدا حاجة نفسية فيّ أنا!!
    وفيه ناس من كتر ما أنا متعودة عليهم بتشوفي الحش علناً خخخ هدولي عاد فئة قليلة شويتين لأن طبعاً فيه ناس ما تتحمل الحش دا وقدر الامكان بمسك نفسي 😀

  8. فعلاً فيه مدونات كذا ..
    أحس إني جالس بمدونتي وأرد فيها وآخذ راحتي ..
    وفيه مدونات أرد فيها رسمي ..
    أول شي طريقة الطرح لها دور .. لغة الطرح العادية واللي تلامس الواقع بشكل بسيط .. مافي تعقيد ولاشي ..
    أيضاً المواضيع تلامس الواقع برضو بشكل مباشر ..
    تصميم الستايل له دور كبير بالراحة النفسية ..
    التفاعل أكيد .. أيضاً الترحيب الحار من المدون ..
    ردوده على الجميع بنفس المستوى .. مافيه أحد أفضل من أحد ..

    تقريباً هذي أهم الأشياء اللي تخليني أرتاح للمدونة ..

    زيارة أولى للمدونة ..
    بالتوفيق ،،

  9. اتفق معك ايضا هناك مدونات أحب أن امر عليها بين الحين والاخر وقراءة الموضوعات القديمة أيضا فيها

    وهناك مدونات يكفينا أن رؤيتها مرة واحدة للاستفادة العلمية فقط

  10. قليل اللي ارتاح فيها الحقيقة ..
    وبعض اللي ارتاح فيهم .. .. اندم على ردودي ! أحس اني هبله ..
    والشعور بششششششششششع ..
    بحاول أغير من نفسي .. .. ليه انا كارهه نفسي هذي الأيام ؟!!
    مع اني من كم يوم جايني جرعات كبيره من رفع المعنويات !!
    حوّلت الموضوع 😦 !

    موضوعك جميل ..

  11. ماشاء الله تبارك الله ..
    نبدأ ببندر :الكلام اللي قلته كلام مهم وصحيح .. واوافقك فيه .. وأنا عن نفسي أحب اشوف النبذة الشخصية للمدون .. وكم عمره وأيش اسمه والكلام كله اللي قلت عنه ..
    فطبيعي الناس تحب دا الشي أنو يكون فيّا .. الموضوع موضوع تكاسل مو أكثر من كدا .. بس حأبدأ بكتابتها ان شاء الله .. << ماعمري كتبت نبذة شخصية عني حتكون تجربة فريدة:)
    ههههه ضحكتني نقطة أيانق << بالعكس لما أخترت الأسم دا في البداية لأنو المدونة كانتأدبية ومقالات بحتة .. وشيئا فشيئا أنتقلت لمدونة عامة …. قافلة ها 🙂
    قبل كم يوم قلت لنوف شكلكم تحسبوني براس جمل 🙂
    أبدا ياسادة لست أقدس الجمل ولاأحبه أصلا .. لكنه رمز من رموز أسمي …… طبيعي جدا..
    أشكرك على التفاعل والنصيحة .. تسلم أخي ..

    اسماء .. نفس التصنيفات اللي عندي .. على فكرة أسومة أنا أوقف عند مواضيعك طويلا .. واحيانا ماأرد .. مو لشي بس لعجزي عن الكلام ..
    مدونتك تقريبا من المدونات اللي بأشعر بالراحة فيها .. استمري …
    بالنسبة لموضوع الحش .. طبيعي حتى أنا أحيانا مااقدر أمسك نفسي .. بالذات لما يكون في الواحد تسطيل مو طبيعي 🙂
    أشكر مرورك أسومة ….

  12. مهند ..
    الكلام اللي قلته صحيح .. بس في نقطة أنو مايفرق بين الناس ترا صعبة شوية لأنو أحيانا أصحاب المدون في الحقيقة مايتعامل معاهم زي أصحاب النت .. وكمان اصحابه في الماسنجر مثلا
    أختلاف الجنس (ذكر وانثى) البنت ماتقدر تأخد راحتها في الرد على الولد والعكس كمان ..
    عشان كدا بتكون في تفرقة .. بس برضها تفرقة معقولة .. ماتحس انك منبوذ فيها ..

    اشكر مرورك اخي .. على فكرة مرة حلوة صورة الطير في بداية مدونتك 🙂

    أبو مروان ..
    بالطبع .. وأزيدك من الشعر بيت .. أقرا موضوعات قيدي قرأتها من زمان .. يعني أعيد قراءة الموضوع أكثر من مرة ..
    المدونات العلمية بطبيعة الحال هيا للمعلومات .. ماهي للتواصل ..
    أشكرك أخي …

    نوف الصديقة 🙂
    نفس الشعور في بداية التدوين .. طبيعي يانوفا مع الأيام حتبدأي تلاقي المحيط اللي يناسبك ..
    لاتندمي على ردودك .. اقلك حاجة قالتلي هيا صديقتي الأسطورة ..
    بعض السخافات يراها الآخرون روائع منا ..
    ويقولون ماأروع عفويتها هذه النوف 🙂

    نوووووف … الله يخليكي حسني النفسية ..

  13. السلام عليكم
    أو زي ما أكتبها داااايما في كل مكان (سلامو عليكوم)

    الصراحة فعلا … هناك مدونات مررررة الواحد يرتاح لها ولأصحابها
    ويحس كأنه هوا هما وهما هوا .. << مدري واضحة العبارة ولا لأ ؟ 🙂

    وبالنسبة ليا … المدونة اللي صارت ادمان عندي … هيا مدونة (بندر)
    وبعدها (محمد ملياني) للأسباب اللي ذكرها بندر

    وهناك بعض المدونات الأجنبية … المهتمة باللينكس (أوبونتو)

    تحياتي

  14. وعليكم السلام
    (وعليكمو السلام)
    أهلا بيك في المدونة ..
    ومن جد زي ماقلت هماها وهوا هما <<واضحة 🙂
    وفعلا مدونة بندر وملياني من المدونات الجميلة جدا ..

    اهلا بيك .. وشرفتنا 🙂

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: