جزء مني .. في قبري ..

dsc04178.jpg 

كنت قد قصصت شعري الذي بلغ طول ذراع وانشات .. قبل عدة أيام .. و(نعيما لي 🙂 )

الكلام ليس هنا ..

 انما في أخذي لشعري بعد قصه .. لأقوم بتصويره وللذكرى .. وبعد التصوير والتدقيق أخذت برأي أفراد عائلتي الأجلاء في أن أدفن شعري في التراب ..

 وهذا ليس جديدا فمن المتعارف قديما انهم كانوا يقومون بدفن ظفائرهم وأظافرهم ..

 

وأكد العلم الحديث (علم الطاقة ) أنه من الأفضل دفن كل مايصدر عن الأنسان لأنها تقوم بأرسال ذبذبات متصلة بالانسان حتى لو أنفصلت عنه ..

 

بمعنى آخر أن تغير نفسيتكم المفاجئ .. أو تقلب أمزجتكم قد يكون بسبب وجود شعراتكم في المجاري (أكرمكم الله ) أو أظافركم في حاويات القمامات ..

 

حسنا .. سأدفن شعري .. وبمساعدة أخي قمنا بعمل حفرة صغيرة .. وضعت شعري بها .. شعري الذي أنفقت عليه الكثير في ليلة واحدة كحفل زفاف

أو تخرج .. هو نفسه شعري الذي أختلط بالتراب هذا اليوم ..

 

 

شيء مني .. سبقني الى قبري .. هذا هو ماشعرت به .. هل لأنني قرات موضوع حساسية الذي قفز فورا الى رأسي وأنا أهيل التراب عليه .. أم لأن

الذبذبات التي يرسلها شعري الي هو الذي أثر علي .. أم أنني تذكرت القبر فعلا …؟

 

 

قد يكون شعري الآن .. ملجأ لدود الأرض .. وبعد زمن .. أو حتى أثناء قيامي بكتابة هذه التدوينة .. سيكون جسدي أيضا ملجأ لدود الأرض ……!

 

اللهم أكتب لنا حسن الخاتمة ..يارب الشهادة في سبيلك

 

.. وأنت راضي عني يارب ….

Advertisements

30 تعليق

  1. أول شي بسم الله عليكي
    والله يطول في عمرك ويباركلك فيه ويرزقك حسن الخاتمه
    تاني شي موضوعك مهم
    تصدقي انو عندي ضفيرة طويلة من شعري من أيام المتوسط 🙂
    محتفظة فيها
    لمن اجي ابغى ادفنها أفكر فين ؟؟
    في البيت …….. في اي حته ……… فين يعني
    هادا محيرني
    وانا معاكي في حكاية الدفن … لأنو مردنا التراب منه وإليه …

  2. نعيمــــا
    بس تعرفي اول مره اسمع
    عن حكايه دفن كل مايصدر عن الأنسان لأنها تقوم بأرسال ذبذبات متصلة بالانسان حتى لو أنفصلت عنه ..
    ومنكم نستفيد
    امييين
    🙂

  3. شدا ..
    آمين يارب .. في مرضاته ..
    شوفي بصراحة أنا دفنتها فيت .. اتكلمت مع بابا قلي أحسن في البيت من بره .. لأنه برا البيت معناته مخطط أو صحراء .. والأثنين صعبة المخطط حينحفر والصحراء … صعبة شوية ..
    بصراحة هوا أحسن حل .. في ناس بتبيع شعرها بس برضو ماأفضل الحكاية دي .. ايش يضمني ايش يسووا بيه ولاتنسي أنه ممكن لو يبغوا يسحروا الواحد من شعره …
    شكرا على مرورك .. حار بناره بجد 🙂

    خوخة ..
    الله ينعم عليك 🙂
    يبغالك ترجعي لعلم الطاقة .. في اشياء مذهلة جدا فيه .. ممكن الكتب تفيدك في دا الشي ..
    يارب للجميع ..
    أشكر مرورك..

  4. بس نفسي اعرف
    الشعر لمن يتحلل في الأرض
    ياخد وقت قد ايه ؟؟
    سؤال غريب أدري
    بس نفسي اعرفلو جواب
    —-
    وعلى فكرة كمان المشيمة يدفنوها أفضل ..
    وفيه ناس تعمل فيها شي تاني (( يطبخوها )) خلاص ما حكمل!
    برضو دي في علم الطاقة

  5. اسال الله لنا و لكم حسن الختام
    تدوينة رائعة و مدونة جميلة

  6. شدا .. والله ماعندي خلفية في دا الموضوع ..
    بس اذا تحلل الجثة بياخد شهر واقل كمان فالشعر ماياخد وقت مع الدود ..

    المشيمة .. أمم سمعت صح بدا الشي .. مع أنها صعبة مرة ..
    يطبخوها !!! لالا ياستي كملي خلينا نشوف اخرة علم الطاقة

  7. عبد الله ..
    اهلا بيك .. آمين يارب للجميع ..
    مرورك الأروع أخي .. تسلم ..

  8. الله يكتب لك ولنا حسن الخاتمة ..

    بس سالفة الظفاير هذي طلعت مو بس عندي هههههههههه !!
    انا من أيام أول ثانوي عندي وحده , وقبل اسبوعين صار عندي الثانيه !!
    خخخخخخخخ ..
    بس ما فكّرت ادفنهم .. .. ابغى أحرقهم !
    وإلا كيف ؟؟؟؟

  9. طيب ما اقدر أكمل
    بس حتنصدمي لو تشوفي الوصفااااااات

    ماعلينا
    نوف ..صفات مشتركه 🙂

    طيب سؤال
    لو أنا أحب ضفيرتي .. أو شعري القديم (حلوة القديم)
    وعندي ولاء ..
    وما أبغى أدفنو ..يعني أبغى انو نندفن سوا
    هل دا كويس ؟؟

  10. نوف ..
    امين يارب .. لالا ترا كثير ناس محتفظين بظفائرهم وبعضهم دفنوها زي ماهيا ..
    تحرقيهم ..!
    ماادري مو الدفن أحسن ..
    أسالي عن موضوع الحرق .. بس انا افضل الدفن ..
    اشكر مرورك ..

  11. شدا ..
    حاسة في حاجات صعبة في الموضوع .. خلاص بيني وبينك عل جنب ..
    🙂
    والله مااعرف اذا كويس ولالا .. اللي اعرفه انو الدفن كويس للشعر ..
    ايش رايك نسال احد مختص 🙂

  12. هوا حاجات صعبه إنسانيًا مو انثويًا هههههههه
    استغفر الله

    هوا فينو المختص ؟
    مين نسأل .. لازم كمان جانب روحاني اسلامي مو بس عالم والسلام

  13. شدا ..
    لووول ..
    خلاص ع جنب 🙂

    شوفي أنا حأسال من ناحيتي ..,انت كمان شوفي .. لاتسألي شيخ بس .. أسالي شيخ مفكر
    زي مااتفضلتي ..
    نشوف مين يجيب الجواب أسرع ..

  14. اوهوووووو
    ياليل ماطولك
    خلي المهمه عليكي

  15. نعيماً يا أيانق ..

    طيب إيش رأيكم بفكرة التحنيط ؟ .. زي الفراعنة ..

    كل وحدة تحنّط شعرها .. و تبني له هرم 🙂

  16. أولاً بعيد الشر عنك

    تانياً ترا موضوعك دا ما حيخليني أنام طول الليل …. حرام عليكي

    عموماً حكاية الدفن جيده أذكر ستي لما ماتت دفنوا معاها شعرها على مدى السنين أتخيلي و هي كانت حتى الشعر إللي في الفرشاه تشيله ….. كان مره كتير
    فأحسن أدفنوه أول بأول

    أنا كمان عندي ضفيره من أيام المتوسط بس شكلي حأحنطها زي ما قال بندر

    ترا مو بس إحنا البنات إللي نعمل كده حتى الأولاد

    زوجي كان شعره مره طويل و لما قصه أشتراله علبه فخمه و حطوا فيها

    قد سمعتوا عن الطقس الديني حق قص الشعر

    أقلك حاسه إني طولت فخليها بعدين أحسن

  17. إشبوا تعليقي مقربع

    يالله مشي حالك دوبي صاحيه من النوم و دمي فاير

    الله يسلمني

  18. بندر ..
    الله ينعم عليك ..
    تحنيط مين .. اصلا كيف يتحنط الشعر 🙂

    اسراء..
    الله يسلمك حبيبتي ..مادري بس احس يخوف انه الانسان يحتفظ بشعره الين مايموت .. اصلا كيف يستحمل يجلس معاه شعر طول دي السنين …!
    سيبيكي من بندر .. تحنيط مين كيف يتحنط الشعر بالله 🙂
    يب الكلام مو لينا بس … الرسول عليه السلام كان يدفن شعره ..
    عجبتني حركة العلبة الفخمة .. لو أدري كان سويتها ..

    لا ماقد سمعت .. حكينا عنه ..

    المدونة كلها مقربعة مشي حالك ..
    🙂

  19. المره دي حأبدأ بالترتيب

    التحنيط :

    عادي زي لما تروحي للكوفيرا و تبخلك تلاته لتر سبري

    إنتي بخي خمسه لتر سبري على الشعر و يتحنط

    الطقس الديني :

    في أحد الديانات ما أعرف إيش هي لهم طقس معين في يوم معين من السنه يروحوا الحريم عند مكان معين أعتقد إنو جنب نهر أو جبل شي زي كده يحلقوا شعورهم عالزيرو (( صلعه )) و يرموه في الأرض كهديه للآلهه حقتهم
    وقتها بعد ما يمشوا يروحوا حقون المصانع ياخدوا الشعر و ينضفوه و يعملوا منه الباروكه و التوصيله إللي نشوفها عند صوالين التجميل

    قال قال شعر طبيعي مافي زييه … أعوذ بالله

    أتخيلي تحطي في راسك شعر وحده صوماليه كانت حاطه تلاته قوارير زيت نارجين في راسها

    يعععععععع

    القربعه :

    خلاص سرت مرتبه و حالي مشي

    العلبه الفخمه :

    و لا تزعلى
    خلاص المره الجيه لما تقصي شعرك قوليلي و العلبه عليا

  20. ياهو ترا مدونتك شكلها ما تبغاني أسير مرتبه

    أنا كتبت العلبه الفخمه قبل القربعه إيش إللي عكسهم

    قل أعوذ برب الفلق

  21. اول شي نعيما ايانق
    اتذكر لما جيت ماليزيا اول مرة كان شعري مرة طويل تقريباً لآخر الظهر
    وقتها جا في بالي اتخلص منه ورحت الكوافير مع مرت عمي وقصيته بوي خخخ
    امي انفجعت وستي ما هرجتني اسبوع 😀
    بس بعدها امي دفنت الشعر دا عند شجرة موز.. كانوا يقولوا لنا انه شجر الموز بارد وحيبرد فروة الراس
    ومن جد شعري بعدها ماشاء الله كل ماله يطول بسرعة وما عمري اشتكيت منه الا لما حملت وولدت طبعا
    اتساقط بالهبل ربي لا يوريكي

    انا اكره ما عندي شعري ارفعه والا اخليه لو انقص اقرف من الشعر مرة 😀 :S مدري كيف متحميلنه انتو وبتخلوه عندكم بالسنين!!

  22. أسماء
    لو هوا شعري ..عادي ما أقرف ولا شي
    بس لو مو شعري .. كده يجيني احساس غريب خوف ..فجعه .. مدري كيف أوصفو
    لكن شعري مني وفيني وحبيب قلبي ..
    وما أدري احس اني لو دفنتو .. حبكي ..
    افتكر مرة كنت صغيرة … كنت أزن على ماما عشان أقص شعري .. أول ماقصيتو بكيت
    والله حاله احنا والشعر دا
    مشكلتي صعب أفارق ..
    حتى الضفيرة الي عندي لمن أشوفها أحس بحنين

    ((بالله شوفي اهرج عن شعر احساس مرهف 😦 … ))

  23. بسم الله عليك يابنت
    بعد عمر طويييييل ان شاء الله في طاتة ربنا

    اولا نعيما ولو اني مقهورة على ششعرك اللي راح
    انا انقهر على شعري وشويه وابكي لمن ينقص بزيادة وانت ماشاء الله العكس
    الله يهنيك ويسعدك

    شيء متعارف عندنا اننا ندفنه لكن ليه؟؟ماكنت اعرف
    مشكورة على اضافة هالمعلومة
    ونعيما مرة تانية

  24. اسراء ..
    ههه من جد بالاسبريه .. اجل خلاص يابندر سامحناك 🙂
    الطقس الديني .. والله مخ يعني يطلوا وراهم انه في احد بياخدوا وبيسويه باروكات .. آلهة مين بس الحمد لله على الهداية ..
    على فكرة حتى هنا بياخدوا الشعور الطبيعية يسووها باروكات .. واكثر من مرة سمعت بدا الشي .. واعرف وحدة كمان تعمل باروكات لاقاربها بشعورهم .. يعني البنت قاصته بوي يكون عندها باروكة بنفس شعرها لحد كتفها ..
    هههه يااسراء جات على زيت النارجين .. ماتقولي القمل وتريحينا لووووول
    القربعة .. قلتلك هيا كدا ماتحاوليش بعدين اشبها القربعة على قلبي زي العسل 🙂
    تسلمي عالمرور والتفاعل والمعلومات الحلوة اسراء 🙂
    من شر ماخلق ..

    اسماء..
    الله ينعم عليكي .. انتي ح تقوليلي ماما مررة زعلت مني لانو ماكانت راضية .. لسا جدتي وستي ماشافوه ..
    بس بوي مرة وحدة طيب بالتقسيط عشان محد ينفجع 🙂
    شجرة موز 🙂
    اول مرة اعرف المعلومة دي .. بس ايت شجرة موز في مكة الله يخلف علينا 😦
    طبيعي .. اصلا الوحدة وهيا بنت بس اللي يكون شعرها عزير من يوم ماتتزوج وتجيب اطفال انسي الموضوع ..
    شكرا شدا عل التفاعل والمعلومات الحلوة )

  25. شدا .. اتفق معاكي في اللي تقوليه .. اذا شعر الواحد عادي .. بس لازم يكون مرتب (ظفيرة يعني ) اما لو مقصقص يمين ويسار اصلا حيعدم الدنيا ومامنه فايدة محا يبين طول الشعر اللي راح ..
    خلاص لاتدفنيه خليه على قلبك .. مدامت تحبيه ..
    حالااات وربي من جد ..
    يابنت ح تزعليني على شعري .. خلاص .. قيدوا كل الناس زعلانة عليه وانا اضحكلهم 🙂

    تسلمي شدا على التفاعل 🙂

    امنية ..
    آمييين يارب والمسلمين ان شاء الله..
    الله ينعم عليكي .. يابنتي دا الكلام لما تكوني تحبيه مو طفشانة منه ..
    العفو يااختي .. والله ينعم عليكي مرة تانية 🙂

  26. بوكت أختي

    في طاعة الله إن شاء البقية

  27. ابو مروان .
    الله يبارك فيك ..
    آمين يارب الجميع ..

  28. نعيما …. ايانق..
    وبعد الشر عنك ان شاءالله..
    وكلامك مؤثر جداً في النفس…
    اللهم احسن خواتمنا والمسلمين اجمعين…
    الله يوفقك…

  29. الله ينعم عليكي ..
    وعنك ان شاء الله ..
    تسلمي ..
    آمين يارب الجميع ..
    أشكرك على مرورك 🙂

  30. ما شاء الله ..

    الله يحفظك ويحرسك ..

    الدفن ” والله يستر لا أكون غلطانه ” من السنة ..

    وعقبال ما تقصي وتدفني مرات ومرات ..

    * الله يحسن خاتمتنا ..

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: