سلطة ..

dsc04311.jpg 

أحد المطاعم اللبنانية في مدينة جدة .. كانت تقدم المقبلات حقتها ( صحن  خضار كبيير ).. كان مرة يعجبنا ونتسلى عليه .. ونقوم بتقطيع الخيار والطماطم .. وكانه لايوجد لدينا في المنزل خضار !!

اليوم كنا في المطعم .. واذا بنا نتفاجأ بصحن الخضار أتحول بقدرة قادر الى ( زبيدية ).. لاتحتوي الا على حبة طماطم مهجنة وشوية خيار وخس .. فين الجزر 😦 والنعناع وحتى الحب(ق\ك) اللي كان في .. أختفى !!!

ايش الهرجة ؟؟ الشغلة ماعاد تخارجهم ؟؟معقول ارتفاع الأسعار أثّر على حتى المقبلات في المطاعم ؟؟

 

 بكم كرتون الطماطم ؟؟

 

Advertisements

18 تعليق

  1. تبغين سعر الطماط قبل الزيادة 5% أو بعدها ؟
    🙂

  2. تصدقوا حتى عصير الكوكتيل حقهم..
    كان مررة مركز ولونه عودي وماتقدر تخلصه..
    اليوم لونه فاتح ونصه مويه!! 😦

  3. ماشي ..
    في فرق ؟؟
    🙂

  4. يعني أيش مقبلات 😕 ؟؟؟
    >> :mrgreen: !!

  5. لا تذكريني اليوم كنت اكل في ناندوز

    وعادة نكون خمسة اشخاص ماندفع اكثر من 220
    اليوم نفرين 130
    لاحول ولاقوة الا بالله

  6. اسف 141.5

  7. أنا إللي أعرفه إنو كرتون البطاطس إللي مره صغير كان بثلاثة ريال

    و الآن صار بعشرة ريال

    أما الطماطم سعرها أرتفع مره كثير بس ما أعرف كم

    nOuf.a.s

    المقبلات يعني appetizer يعني الأشياء الخفيفه إللي يقدموها قبل الوجبة الرئيسيه شوربة ، سلطة ، صحن زيتون

    ملياني

    أتذكر مره رحنا أنا و زوجي نشتري ويب كام إللي كانت رخيصه وقت ما شفناها و لما رحنا نشتريها صارت مره غاليه

    و لما سألنا الهندي ليش سعرها أرتفع قال : دحين كلو شي غالي كبسه من أول خمسه ريال لكن دحين سبعة ريال

    هههههههه

    مو كأني بأرد على التعليقات

    المعذره

  8. إسراء ..
    هههههههههههه تسلمي يا عسل ع الشرح ..

    هند .. .. كويس كذا صار شكلي ” جاهلة ” ؟؟
    .. .. .. 😛 !

    .
    .

    [ أحسني شريره ]

  9. الخضار مو موحد السعر مرات تلاقيه سعره نار ومرات نازل..انتي وحظكِ..

  10. نوف..
    هعع كأنك بتذليني 🙂

    ملياني ..
    افف والله الدنيا سارت نار .. أشكر مرورك ..

    اسراء ..
    والله مرة فرق البطاطس .. حتى الطماطم ..!
    يعني من جد يحقلهم يقتصدوا في المقبلات ..
    يابنتي خدي راحتك البيت بيتك ..
    اسراء .. مو كأنه الزواج يعلم 🙂

    نوف ..
    هههههههههههه والله جبتيها لنفسك ..
    تستاااهلي هعع << شريرة أكثر

    شموخ ..
    ايوة على كيف المزاج .. تسلمي على المرور

  11. هههههههههههه

    لا يختي أنا من قبل الزواج و أنا مسئولة عن مقاضي البيت…… الحمد لله يا رب

    أتخيلي زوجي ما يعرف يشتري لحمة …… سرت أنا أعلمة

  12. اسراء ..
    ههههههههه ماشاء الله أجل ست بيت من يومك 🙂
    رجالة ماشاء الله عليكي ..

  13. طيب والكولسلو اللي صار كله قرنبيط وبالقوة يتاكل اش اسوي فيه :S لا وكمان الجزر بالعدد 3 قطع صغنتوتة مررررة .. هدا ونحن لسة ما ارتفعت عندنا الأسعار الحمد لله وياااااااارب ما تترفع مو ناقصين :S

    >> اسراء
    هو فيه رجال يعرف يشتري اللحمة والا الخضار والا أصلا أي شيء يتاكل أو يشترى من السوبرماركت؟ >> بلاش أفضح زيادة خلاص 😀

  14. اسماء ..
    هدول بيهيأوكم لغلاء الاسعار .. عشان لايسير عندكم صدمة زينا ..

    حرام عليكي والله في << مو كأنها بتدافع 🙂

  15. الأسعار مرتفعة .. يحق لهم

    D :

  16. دبي ..

    على قولك 🙂

  17. اخر مرة سعر الطماطم الكرتون بـ 16 .. وقبلها بشهر كان بالضبط بخمسين 🙂
    صايرة الطماطم زي الاسهم
    فوق تحت اخضر احمر 😀

  18. اللله هذيان من 50 ل16 حلاوة هيا ؟؟؟

    من جد أسهم طماطم ..
    نورتي 🙂

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: