لاغنايم ولابطيخ ..

  

  

  

  

أدري ..

توقف مفاجئ ..

وماكنت أدخل النت في الأيام اللي فاتت بسبب ظروف خارجة عن أرادتي ..

وحشتكم ؟؟

أعذر جدا على اللي سار .. وبما أننا في التدوين عائلة وحدة المفروض أعطيكم خبر .

حالي الآن لايسمح بالضحك .. تقريبا أنا مرررة زعلانة .. خبر لسا طازج وماقلت لأحد عنه .. للأسف خبر مو حلو

طلعت المعدلات وللأسف نزل معدلي من 3.5 الى 3.45 ..من 4

الحمد لله على ماقدر وكان .. الحمد لله على كل حال ..

اللهم لاأسألك رد القضاء .. ولكن أسألك اللطف فيه ..

ترا مني مكسوفة منه .. أنا مقهورة وبس .. وحسبي الله على الي ظلمني .. حسبي الله وعم الوكيل ..

شي غريب بالفعل ..

أكثر ترم أتحمس وأذاكر فيه .. هوا اكثر ترم هبوطا للمعدل فيه !!!

أكثر ترم أنكرف فيه .. هوا أكثر ترم أنحرق فيه..

20 ساعة ياعالم معقول أطلع منها بصفر اليدين !!!!

لاحول ولاقوة الا بالله العلي العظيم ..

حسبي الله ونعم الوكيل !!

Advertisements

10 تعليقات

  1. 😦
    والله نويت ابعتلك مسج
    كنت مستغربة غيابك
    أدري يزعل ..أنا لما شفت 3.5 كنت احسب من 5 ..إلا طلع من 4
    أشوى

    يارب تتعوضي في الترم الجاي وان شاء الله تكون دفعه ليكي للأمام …
    هوا القهر لما تذاكري وما تطلع النتيجة تمام ..
    لاحول ولاقوة الا بالله
    حاولي تفكري في النعم الي عندك الآن ..
    ولما تتحسن النفسية ..
    أتعمقي أكثر في الأسباب ..
    الله يوفقك ويفتحلك

  2. لا تزعلين .. لسه باستطاعتك رفع معدلك 🙂 ..
    بعدين من جد وحشتينا , لهذي الدرجة مأثره فيك النتيجة ..
    ما تزعليييييييش ترا الدنيا ما تسوا !
    >> علمي نفسك !

    .
    .

    يلا استناك عل الماسنجر عشان نحش نحش نحش 😛 ..

  3. أيانق
    أنا حاسة بإحساسك.. لأنه مر علي هالموقف الترم الي راح..
    بس الحمدلله معدلك ما شاء الله ممتاز.. وتقدري ترفعيه مثل ما قالت نوفا..
    لا تزعلي نفسك..
    وانشاء الله الاترام الجاية أحسن..

  4. لا تزعلي ياقلبي ..
    إن شاء الله تقدري تعوضينها .. و تقدرين ترفعينه في الترم الجاي ..
    كله إلا زعلك يا هنوده ..

  5. ياعووومري والله فقدتك من جد 😦
    استغربت غيابك .. ياقلبوو لاتزعلين ولا تضيقين خلقك!
    كله من ربي حلو دامك اجتهدتي وبذلتي جهد ربي مايضيع جهدك صدقيني بتعوضينها بإذن الله وقدامك الأيام 🙂

    الله يوفقك يارب وييسر أمرك
    وخلينا نشووووووفك 😉

    (F)

  6. شدا ..
    لاكويس من 4 مو 5 .. اصلا مااعرف ليش عزوز شي واحنا شي .. ماعلينا ان شاء الله من 10 .. أهم شي الواحد يااخد حقه ..
    جزاكي الله خير على الدفعة المعنوية الحلوة ..
    الحمد لله ربي رضاني ..

    نوف ..
    لا أسباب تانية اقلك هيا على المسن .. وترا ماادريت غير وقت مانزلت الموضوع .. الحمد لله ..
    نحش .. لالا حرام الحش 🙂

    نجلاء ..
    الحمد لله برضو .. وان شاء الله أرفعه أكثر من كدا .. برضو الضربة تخلي الواحد ينجز .. أشكرك على الدفعة المعنوية الحلوة 🙂

    هند ..
    ان شاء الله يارب .. تسلمي على المرور ياهندو 🙂

    نجو ..
    والله وانتي الاكثر ..
    يالله ان شاء الله أجيب احسن من كدا على الترم الجي ..
    آمين يارب .. خلاص أهو عدنا 🙂

  7. تعوضيهم في الأترام الجاية يا رب
    لا تشيلي هم انت بس وحاولي تشدّي حيلك أكتر الترم الجاي..

    أنا ما أعرف أنظمتكم في الجامعة..
    بس عادة لو ما عجبتنا النتيجة نطلب إعادة نظر في ورقة الامتجان وأوراق الميدتيرمات وهدا كله تحت نظر لجنة مخصصة.. حاولي يمكن يكون فيه نتيجة 🙂

  8. اسومة ..
    ان شاء الله يارب ..
    نجوم الليل أقربلنا ..
    ترا مافي انظمة لاتتعبي راسك 😦

  9. أيانِق ،
    أفزعني اليأس اللي فيكِ بصراحه
    بالرغم اني متابعه لمدونتك بين فتره وفتره لكن مدري كيف ماشفت هذي التدوينه بالذات !!

    \

    لا تتضايقي يا صديقه ، بالعكس افرحي
    انتِ عارفه 20 ساعه عندنا بالجامعه اللي ياخذها يخلينا نطالعه نظرات انه ( ماشاءالله على المجتهدين )
    مثلا مثلا .. عندك انا !
    لا يمكن اخذ اكثر من 17 ساعه !!
    إنتِ الطموح فيكِ كبير ، وهو اللي خلاكِ تنصدمين من معدلك
    لكن هو كويس مرره مقارنه بالـ 20 ساعه اللي اخذتيها !
    عندي قناعه إنه كل مازادت الساعات قلّ المعدل الفصلي
    ( لأننا نقسم عدد النقاط على عدد الساعات فاذا كبر المقام قل المعدل الفصلي )

    \

    الجدير بالذكر يا أيانق .. ان الطموح فيكِ حلو وجميل ولذيذ برضو
    لكن لا تقسي على نفسك بجلد الذات كثير !
    ولا تقسي على نفسك بـ 20 ساعه مرره ثانيه :@
    بتتخرجي ان شاءالله فـ خوذي الساعات على اقل من مهلكِ

    * مدري لكن هذا لو كنتِ نظام جامعه وترتبين جدولك بنفسك ؟

    \

    ومبروك عليك 3.45 يا بطله : )

  10. نسيت اقولكِ شي ..

    عندي قناعه إنه كل مازادت الساعات قلّ المعدل الفصلي
    ( لأننا نقسم عدد النقاط على عدد الساعات فاذا كبر المقام قل المعدل الفصلي )

    \

    المعدل مثل لو قلنا 2/4 = 1/2 لأن فيكِ فيكِ تاخذين هالمواد وتجتازين عدد هالساعات
    لكن لو بترفعين معدلك الفصلي اتوقع يفصل انك تاخذين ساعات اقل

    : ) .. واسفه طولت عليكِ وجايه متأخره <<وسيعة وجه يعني خخخ

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: