حكاية ..

 

اليوم كنت جالسة اتصفح المدونات وأشوف التدوينات القديمة اللي ماقرأتها .. لفت نظري موضوع شدا ..نصيحة دكتور حكيم ..

 وجيت أبغى ارد فيه وبعد مابدأت أرد قلت لا خلاص أسويه موضوع في المدونة .. بما انه في كلام كثير ..

 

بدأت قصة أسمي عندما قرأت والدتي (حفظها الله) كتابا لسيرة هند بنت عتبة .. وهيا حامل فيا .. فقررت يكون أسمي هند .. مع خيار آخر وهوا خولة 🙂 ..

جابوا أختي اللي أكبر مني وسووا قرعة << ذالتني عليها الين دحين .. أخترتلك الاسم الأحلى .. من فين الأحلى ماأعرف ..

وسار اسمي هند ..

مائتين من الأبل تسير خلف بعضها .. ومن هنا أتت تسمية مدونتي ” أيانق “

كبرت وكبر معايا أسمي .. وكل اللي يشوفني يقلي أسم على مسمى .. << مو معناته أني أشبه الجمل .. لا 🙂

وطلعت أشعار عليا زي .. هندو الهندية .. تاكل طعمية .. صحنين ملوخية 🙂

وماأنسى حارس مدرستنا القديمة ..الله يرحمه .. كان يناديني الهندو …

وسار لأسمي تحريفات كثيرة .. بعضها جميل .. وبعضها قبيح ..

الهندو .. هنودة .. هندو << أحب شي ليا .. أهنود .. هندكوش .. هندا .. هندية طبعا .. هدهد ..

ولم تنته أيضاً ..

أكره كثيراً عندما أجد أسمي في الروايات أو المسلسلات الخليجية .. محصورا على دور الشخصية المعقدة المتنمرة القاسية الشريرة اللي تشتغل من تحت لتحت ..

داااايما كدا … :s

وكنت افرح وأنا صغيرة .. وقد أطفش احيانا من ذكر أسمي كثيراً في كتاب القراءة ..

هندٌ تغسل .. هندٌ تطبخ .. هندٌ تذاكر ..

وطبعا في الأبتدائي لازم التنوين ..

والى الآن أدخل القاعات في الجامعة  برضو ألاقي أسمي في أمثلة النحو ..

….

لا أذكر أنو في أحد قلي أسمك مررة حلو .. الا قريب .. وحتى استغربت أنه في أحد ممكن يعجب بهذا الأسم ..

أنا الآن أحب أسمي .. ولا أتخيل أني ممكن أعيش بدونه ..

سار مني وفيني خلاص ..

وبيني وبينكم .. بصراحة أستمد القوة منه .. يعني أحيانا اجي أبغى أسوي شي وأخاف .. أقول في نفسي أنا أسمي زي هند بنت عتبة .. ماأقدر أسوي الشي دا .. ؟؟

!!

والله ياشدا فتحتيلي جو مع هادا الموضوع .. 🙂

 

 

Advertisements

37 تعليق

  1. اتفق مع اللي يشوفون بأن اسم هند حلو
    لأنه صغير الحجم وقليل الحروف وله رنة موسيقية لما ينذكر
    والأسم قديم وفي نفس الوقت عصري
    وغير عن كذه في شخصية تاريخية لها وزنها تحمل هذا الأسم
    اشوف كل هذه الأسباب تخلي من هذا الأسم اسم جميل ومميز

  2. >> أكره كثيراً عندما أجد أسمي في الروايات أو المسلسلات الخليجية .. محصورا على دور الشخصية المعقدة المتنمرة القاسية الشريرة اللي تشتغل من تحت لتحت ..

    طيب انتي ايش ؟؟
    >> :mrgreen: !
    امزح لا تضربين ..

    تشرفنا يا هند بنت عتبه .. بس اسمي احلى من اسمك 😦 !

  3. ماشي ..
    كويس سجلنا رقم جديد لمحبي أسم هند ..
    صح .. صغر حجمه له تأثير أكيد ..
    المشكلة في اللي مايحبوا شخصية هند بنتعتبة .. على اعتبار أنها آكلة كبد حمزة رضي الله عنه ..
    بالرغم من أنها اسلمت بعد الفتح .. شكرا على مرورك 🙂

    نوف ..
    انتي أيش شايفة .. ضعيفة الله حالي حال نفسي << تتمسكن هعع

    نوف .. :S
    مدري ماينبلع ..
    🙂

  4. نوف حلو غصبن عنك .. .. 😡 !
    >> لا مجال لحرية الرأي عندها !

    حلو
    حلو
    حلو

  5. طيب خلاص لاتدفي ..
    حلو غصبا عني << برضها تتمسكن ..

    🙂

  6. والله عرفت اسمك … بكرة اقوله للناس كلهم 😛

    ————————

    والله انت تحمدي ربك بقوة … اسم هند حلو … وعادي …

    دا في اسماء اسمعها …. احس انها مشكلة والله …

    بس من الجميل ان تسميتك جات على رواية … او شي ..

    انا تسميتي اغرب تسمية …

    كان ابويا مخطط يسميني عدنان … عشان ستي تبغى ولد اسمه عدنان ..
    في المستشفى بعد ما امي ولدتني … كان يسالوها اش تبغي تسمي …
    وحدة من الجالسين قالت انتبهي ولا تاخدي اسم محمد … اصله في محمد وفي محمد تاني وتسير لخبطة وتكتر المحمدات ومدري اش …

    المهم امي اتضايقت شويا وما اتكلمت .. وحدة تانية من الحضور .. قالت لامي سمي الاسم الي تبغيه تبغي محمد سمي محمد ..
    المهم امي قالت محمد …

    طبعا من جد من جد المسمي عند الرحمن …

    التخطيطات قبل ما اتولد كلها كانت بعيدة كل البعد عن اسم محمد … لكن بعد ما اتولدت سار اسمي محمد …

  7. مليااني ..
    هههههههههههههههه .. لاتنسى تكتبه عالجدران 🙂

    ____

    اسم محمد نص العالم مسمينه .. بس مرة غريبة تسميتك .. يعني كدا جات صدفة ..
    اسم عدنان برضو جيد .. كان دورت على لينا واتزوجتها 🙂

    انا سمعت انو في ناس كمان يفتحوا المصحف ويأشروا .. الكلمة اللي تطلع يسموا الوليد بيها ..
    كوكب ..<< بدي الطريقة اتسمت
    وحدة من صحباتنا سمت سدرة << اسم بنت قريب !!

  8. هنــــــــــدو

    والله عنجد انا مرا حبيت اسمك و انتي عارفة 🙂

    و ترا سبب من اسباب اني حبيت اسمك هوا انو اسمك 🙂
    <<<<تتغزل فيكي البنت ههههه

    مرا يعجبني حس الانتماء للأسماء
    لانو عنجد الإسم هو (أنا) ,,
    فـ ضروري احبو و أعتز بي 🙂

    موضوع حلو مرا و لزيز هندو

    مااااااااااااارا وحشتني مدونتك
    تحياتي

  9. دعاء ..
    يااهلا والله .. نورت المدونة ياعسل 🙂
    طبيعي الواحد يتكيف مع أسمه .. لأنه في النهاية مفتاح شخصيته ..

    وأنتي ألز ياقلبي ..
    مري علينا تاني ولاتطولي الغيبة ياأسطورة 🙂

  10. كيفك هنوده 🙂
    و الله إسمك حلو و يجنن مع إن شهادتي مجروحة بهالاسم ..
    صح إن المعنى غريب بس له دلالة حلوة .. فالأبل كان لها مكانة عظيمة عند العرب .. فتخيلي لما تكون ميه .. يعني شي حلو مره 🙂 🙂 🙂 ..
    أنا صراحة أحب أسمي و أحسه جزء مني و لا عمري تمنيت أغيره .. مع إني عانيت نفس معاناتك ..
    الشخص هو اللي يحلي أسمه مو العكس .. فيه ناس يحببونك بالاسم حتى و إن كان الأسم في الأصل مو حلو .. و العكس صحيح ..
    إسمك حلو يا عسل و إكيد إنتي محليته أكثر ..
    كل الود 🙂

  11. اهلا هندو 🙂
    شوفي هوا ممكن يكون يرمز للغنى .. يعني الناقة الوحدة بكم تكون ؟؟ وكمان للفخر .. بس بعض الناس تاخد صفات الجمل وتحطها فيك .. يعني ليش يخلوا اللي اسمها هند حقودة عشان الجمل حقود يعني ؟؟

    انا برضو احب اسمي..وكل الناس ليهم معاناة مع اسمائهم حتى لو كانت حلوة ..
    مجتمعنا مايسيب احد ..
    وانتي محليه اسمك يابنت الملك 🙂

    اسعتديني بوجودك..

  12. اسمك صغير وبسيط وزي ماقال الملياني في اسامي

    من جد غريبه وماهي حلوه !!

    انا كمان اسمي جا على فجأه ..

    مامتي وبابتي كانو مقررين يسموني رزان او روان ..

    وبس في المستشفى مرت عمي اقترحت يسموني بيان

    وسموني بدا الاسم 🙂

    ويكفي انوا في القران ..

    بس ..

    موضوعك حلو زي اسمك

    تحاتي

    سي يو سوني اركسون

  13. اهلا بيان ..
    شرفتي في المدونة .. ماشاء الله حتى انتي اسمك حلو .. من الاسماء اللي تعجبني ..
    🙂
    تسلمي على المرور ..

  14. اهلين هنوده ،،
    اولا بقولك شي اسمك حلوو ، وانا احب اسم هند
    ثانيا اول ماولدت سموني اهلي “هند” ، بعد اسابيع صرت “ليلى” وانتقل الاسم لاختي رقم 3 ..
    عاد احنا نناديها هنوده ،، نادرا مانقول هند ..
    (عائلتنا تحب اسماء الدلع لوول)
    ابوي مرات يناديها 200 جمل لوول 😀
    عاشت الاسامي هنوده //

  15. ياقلبوووو تصدقين عاد حبيت هالأسم منك وربي ^_*
    مو معناته قبل ماكنت أحبه لالا !
    بس بصراحه مثل ماقلتي حسيت الكل يحسه كبير!!
    لانو اختي اخر مره جابت بنت كانوا يبغوا يسموهاا
    هند اغلبنا عارض !! الا هيا وزوجها لانو زوجها مثل مامتك يحب يختار الأسم عشان شخصيه تاريخيه 🙂 عنده بنت اسمها لبنى ووحده ثانيه اسمها سفانه وكان يبغى يكملها بهند ,,,,!
    احنا عارضنا قلنا قديييم لوولز 😀
    مع انه والله سهل وحلووو بس مدري يالله الاسماء قسمه ونصيب خخخ 😀

    وربي تسعدك ياأحلى هنوووده ^_^

  16. تدري هنودة كنت بسمي دانة (هند) لأني كنت أدوّر على اسم ينتهي بالدال عشان (مجاهد) بس لما جيت وزنتها قلت هنا عندنا هنود بالهبل وما ينفع :S سميتها (دانة) وصاروا مستقصرين الاسم خخخ

    اسمك حلو وسهل ومن جد صوته يعطي شي من القوة 🙂

  17. من أجمل الأسامي .. اسمك يا ( هند ) …

    🙂

  18. اولا السلام عليكم ورحمة الله هذي اول مرة ادخل مدونتك ياهدهد بس شكلي بصير لزقة فيها : )
    ثانيا اسمك مرررررررة روعة ويكفي انه تاريخي وصغير ومعبر.
    عجبتني القصة معبرة صراحة
    الى الامام هنودة
     

  19. انا اسمي هند واموت فيه موت وخصوصا في هالكم سنة احس اني ما كنت اعرف معنى اسمي ولا كنت حاسه فيه على العموم انا اقول لاي وحده زي اسمي ترى لك الشرف وربي
    واحب الناس ينادوني ( بتستغربون اكيد )

  20. ما فهمت ” أيانق ” < عذراً عالتنح :/

    وعاشت الأسامي ..

  21. انا كمان اسمي هند
    وكتير بحب اسمي , مو لانو اسمي بس اسم هند من الاسماء الكتير حلوة وناعمة

  22. وهـ فديت أسمي

    أنا يدلعوني في البيت أنونة وعاجبني أسمي وأحس أن أسمي من أحلى الاسامي لأنه أسمي وأسمي مرة كيوت 3 حروف<< يانااااسوو ..^_^

    …هع فديت كل وحدة أسمها هند..*_^

  23. هآآآآآآآآآآآآي طلبتكم تكفون جيبو لي شعر عن أسم هند أختي أسمها هند وعيد ميلادها بكرا ولازم أجيب لها هدية وحابة أحط لها ورقة مع الهدية وأكتب في شعر ياليت تجيبون لي هالشعر وأكوون شاكرة

    —————————————
    هنودهـ يا قلبي أسمكـ من أروع الاسماء وأحلاها وانا اقول لأختي ياليت نتبادل اسماء بعدين عندنا وحدة بالمدرسة أكثر وحدة عندها شعبية بالمدرسة أسمها هند 😐
    مو شرط

    على العموم هي كلمة اسمك روعة….^_^

    وأنتي أحلى يا قلبي…^_^

    …..

    لآ تنسون طلبي طلبتكم وياليت يكون الشعر قصير…^_^

  24. هند
    احلي اسم في الوجود
    تحياتي لهنوده

  25. اسمك يجنن وربي

  26. اسم هند جمييييييييييييييل جدا مش عشان اسمى هند بس انه اسم راقى انا دلعو فيا هنوده

  27. اسم “هند” اسم جميل ورقيق مع انى لم اكن احبه حتى فترة قريبة الى ان عرفت انه اسم السيدة ( ام سلمة ) زوجة سيدنا محمد (صلى الله عليه وسلم) واسمها بالكامل هو ((((هند بنت أبي أمية بن المغيرة بن عبد الله بن عمر بن مخزوم القرشية المخزومية)))) وانا الان فخورة باسمى

  28. ومعنى هند ايضا تجارة رابحة

  29. شكرا كتير على ه الموضوع الحلو والتعاليق المرة حلوة وبعدين انا كمان اسمي هند وسعيدة جدا فيه بحس بالقوة حين يناديني احد بيه والغريب في الجزائر انو ه الاسم نادر جدا شيء في صالحي هههههههه حيث اكون متميزة عن غيري بالاسم شكرا امي شكرا ابي شكرا شكرا شكرا والشكر الاول والاخير لربي سبحانو

  30. وانا بعد اسمي هند واحبه مرة وافتخر مع انهم دائما يقولون لي هندية واتضايق مع كذا اقولهم وشفيهم الهنود حلوين ويجننون يكفى انه اشواريا راي كانت ملكة جمال الكون في سنه من السنين وبس ويسلمو على الموضوع ومبارك عليك الشهر

  31. My partner and I stumbled over here from a different website and thought I may as well check things out.

    I like what I see so now i am following you. Look forward to looking into your web page for a
    second time.

  32. Hi there to all, it’s really a pleasant for me to pay a quick visit this website, it includes priceless Information.

  33. Hi there to every one, the contents existing at this
    web page are genuinely remarkable for people experience, well,
    keep up the nice work fellows.

  34. I am not certain where you’re getting your information, however great topic. I needs to spend some time finding out more or working out more. Thank you for excellent information I was looking for this information for my mission.

  35. I love it when individuals get together and share views.
    Great website, keep it up!

  36. Hiya very nice site!! Guy .. Beautiful .. Wonderful .. I’ll bookmark your website and take
    the feeds additionally? I’m satisfied to seek out a lot of
    useful information right here within the submit, we want work out more strategies on this
    regard, thanks for sharing. . . . . .

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: