تجربة ..

منذ صغري وأنا أقرأ كتب تطوير الشخصية وفن التعامل مع الناس .. والخروج من الصندوش وماشابه هذه الكتب بلغة مبسطة .. أستطعت بها أن أطور جزء كبير من شخصيتي .. في ذلك العمر .. دخلت في دورات متعددة تدخل تحت نظام ال(nlp) (البرمجة اللغوية العصبية) لكنها لم تكن بشهادات حضور أو معتمدة رسمياً من أحد المعاهد المتخصصة في هذا المجال ..

 كانت مجرد أفكار تطرح لأستقبلها بشغف كبير .. دخلت أول دورة منتظمة بشهادة حضور في الصف الأول ثانوي .. (أنبسطت) فيها جداً .. وأعتقد أنها الأكثر تأثيراً علي الى الوقت الحاضر .. قد يكون بسبب أنها أول دورة .. أو بسبب أني دفعت تكاليفها ( من جيبي) ..

 أستمريت في تلقي دورات التنمية بشكل عام الى الوقت الحاضر .. وفي كل مرة تخف حماستي كثيراً .. الى آخر دورة أخذتها الثلاثاء الماضي .. خرجت من الدورة بلاشيء ….!

الدورات بشكل عام لاأعتقد أنها الأكثر تأثيراً على الشخصية .. وكثيرا ماقالوا الناس بأنها كلام نظري فقط .. وأن كلمة خليك متفائل .. أبتهج بالحياة .. الحياة أمل .. لن تفيدك اذا حصلت على علامة (f) في أحد المواد ..

اذا أستطعت بالنسب أن أحدد مدى استفادتي بالدورات في ال6 سنين التي تلقيتها فيها .. لن تتجاوز ال30 % في أكثر الأحوال .. واللي يضايقك أكثر أنك تكون عارف الأسلوب اللي سيتبعه المدرب /المدربة في علاج المشاكل التي تطرأ عليك ..

التمارين المستخدمة .. لاأعتقد أنه في تمرين يستخدم في الدورات وأنا ماأعرفه .. الحكايات .. للأسف مايبغوا يغيروا الحكاوي حقتهم .. من عادي بن عادي .. الى الفيل المربوط بالسلسلة وفي رواية (الدب) والمقلاة والسمك .. الخ ..

على الرغم من أختلاف المدربين .. واعجابي في البداية بأغلبهم .. الا أنني لاأطيق حاليا سماع درس أي واحد منهم .. خلاص ياجماعة أنا قرفت ::: 🙂

السؤال الآن ..

هل انصح أحد أنو يدخل دورات تدريبية في ال(NLP)؟

الجواب : نعم بس لاتتجاوز ال5 دورات في رأيي .. مايحتاج تسيروا ممارسين والكلام الكثير دا .. خدوا اللي يفيدكم وبعد كدا طوروا نفسكم بنفسكم ..

لاتنبهروا كثير بعالم الدورات .. الكلام جميل .. بس للأسف الواقع سيء .. ولا المشي على الجمر ممكن يخليكم تمشوا على راس مسؤول كبير يمشيلكم أوراقكم ..!

كلامي لم ينته .. أختصرت الكثير .. لا أريد الاسائة لمن علمني .. كلكم فيكم الخير والبركة .. بس ياريت تأخذوا النصائح هادي على قدر من الأهمية

– الحكايات والتمارين .. أرجوكم لاتسير نسخ ولصق في الدورات .. طوروا فيها شوية واحتفظوا بأشياء خاصة بنفسكم .. كل مدرب له أسلوبه لخاص وطريقه عرضه وتمارينه الخاصة

– المبالغ .. الناس بتدفع ألوف الريالات على الدورات .. وبتخرج بشوية طاقة تخمد بعد يومين

– كونوا أكثر واقعية .. وخلوا الناس تشوف المشاكل .. اخماد الناس مهو حل .. ووضع نظارة وردية على عينهم محا يساعدهم ..

والله يوفق الجميع ..

  

Advertisements

17 تعليق

  1. مممم
    NLP درستها دبلوم عام 2003 + مساعد ممارس

    بس تعرفي
    لو كان فيه دورة للبرمجة العشقية الروحية يكون احسن
    وبالمرة يعطونا بدل الشهادة – واحد عريس ابن حلال –

    << أكلت كمية كبيرة من الشوكولا !

    المهم

    رأيك اتفق معاكي فيه ، يعني مع كثرتها (قصدي نفس النوعية من الدورات والمحاضرات ) الواحد يتخدر وما عاد يأثر فيه الكلام ..

  2. شدا ..
    ماشاء الله .. كنت أتمنى بس الحمد لله أني ماسويتها 🙂

    الشهادة مالها داعي .. عمره أحد لما أتقدم على وظيفة عندك دبلوم NLP?

    الدورات كلام×كلام .. بالنسبالي أروح عشان أنتقد بس ..أشكر مرورك ..

  3. مافهمت ؟؟
    ايش دخل الشوكلاته في الهرجة؟

  4. حلو الموضوع ..
    وفعلاً الكل يعيد ويزيد ..
    يعني حلو تاخذينها مره , وبعدها تشتغلين على نفسك ..
    بس ممتعه والله 🙂 ..

  5. بصراحة كذا ، انا ما أخذت ولا دورة في المواضيع هذه ,,
    لأني أشوف أن القراءة تعطيني أكثر من الدورات ، بس هو على حسب ميول الأنسان ” سمعي أو بصري ، أو سمعي بصري ” ..
    وزي ما قلت لك بالقراءة تحسنت كثير ..
    عجبني كثير اقتراح ” شذى أو شدا ” :mrgreen:

  6. نوف ..
    نووووف !!
    انتي فييين ؟؟؟؟؟
    يابنت ايش دا ؟؟ مو قلتلك بيننا اتفااق ؟
    تعالي على الماسن .. بيننا كلام ..
    حلمت فيكي والله 😦

    __
    ايي ممتعة .. بس خلااااص لما تزيد عن حدها تطفش :S
    تسلمي 🙂

    FEMALE..
    اممم .. القراءة أحسن ممكن !
    الدورات حلوة صح .. جربيها ممتعة .. بس لاتزيدي عن 5 ..
    التمارين وورش العمل جو حلو .. ماتلاقيه في القراءة ..

    ايي العريس احسن 🙂

  7. بالنسبة للشهادات ودا الكلام ياعزيزتي بتأثر على الـ CV

    مو شرط كلها كلام ×كلام

    مرة د.وليد فتيحي .. قال كفانا محاضرات وكفانا كلام .. نريد عمل وتطبيق (بما معنى كلامه)
    فسألته .. كيف يبدأ التطبيق معانا وكيف نفضل مستمرين على طول في التطبيق العملي ؟
    قالي : كل واحد يجب أن يختار قضية في حياته .. يشتغل عليها ..

    ——–
    الشوكولا
    أنا لما يكون مزاجي معكر آكل شوكولا وأروق
    اليوم أحس إني زودتها ومو روقت دخت كده وبدأت أخرف ونعسانه ومدري ايه ولا ايه
    فطلع معايا البرمجة العشقية الروحيه
    واضح ولا أعيد 🙂

    فيميل
    الله يسعدك شدا بالدال
    انا خلاص حغير اسمي
    حنغيرووووه <<< اسكندرانيه

  8. شدا ..
    أعرف أنها بتأثر .. بس كمان أعرف أنه الى الآن مأعتمد كعلم ..

    شفت مرة حلقة في برنامج الوسطية ..كانوا بيتكلموا على البرمجة .. بصراحة غيرت نظرتي ليها وخلتني اعيد التفكير فيه مرة أخرى ..

    ____

    ههههههههههه لالا واضح … بس مرة تانية لاتزودي العيار .. 🙂

  9. اتفق مع كثير مما كتبت لقد اخذت دورة ان ال بي ولكن اكرر ..للاسف ما استمر المفعول طويلا لكن فيه اشياء بتتوسع مدارك طرق تفكير لكن ان تتبدل وتصبح مثالي الخ فهذا غير صحيح لان هناك حقيقه او مثل يقال وهو ابو طبيع ما يغير طبعه بمعنى يموت الزمار واصبعه بيعزف اي ان الطبع يغلب التطبع 🙂

  10. أنا بصراحه من أول حاضره حسيت إنها لازم ما تكتر

    خصوصاً المشي على الجمر خلاني أبطل أحضر أي شي تاني

    عموماً بوست مفيد

  11. شخصيا.. احب حضور الدورات التدربية ..في البرمجة اللغوية العصبية.. و لغة الحياة… والبوصلة.. صدقيني يستطيع اي شخص الاستفادة منها في بعض الامور..و البرمجة العصبية لو اخذتها قبل كان وفرت علي مجهود و عناء كثير ازاء بعض المواقف..
    و على فكرة ماعندي مانع احضر نفس الدور مع محاضرين مختلغين لأن كل محاضر له اسلوبه و طريقته في ايصال المفاهيم بطريقة ابسط

  12. يزيد ..
    البداية ممتعة بلا شك ..
    الnlp ماهو سحر ولاعلاج فعال .. هوا فقد تهدئة ونظارة جميلة للحياة .. وطاقة قوية ..
    المثالية حاجة مانقدر نوصلها ..سواء بالnlpولاغيره ..

    بس الواحد يقدر يغير نفسه .. للأفضل
    أشكرك على مرورك ..

    ايسو ..
    وحشتينا ياقمر 🙂
    أنا ماأخذت المشي عالجمر .. شفتها .. بس ماحضرتها ..
    شكرا عالمرور..

    أمل ..
    جميل .. صحيح ماانكر .. هيا مفيدة وليها جوانب حلوة .. انا اتكلم على كثرتها والاعادة اللي مالها داعي ..
    وجهة نظر حلوة ..
    تسلمي عالمرور ..

  13. اهلين هنوده ،،
    انا ماقد اخذت دوره في الـ NLP ، لأني مو مقتنعه بهالشي ..
    احسه خرابيط ،، وضحك على انفسنا ..
    عندي آخذ دورات في طرق التفكير والاشياء الي زيها احسن 🙂 ..
    تحياتي هنوده 🙂

  14. photon..
    اهليين ..
    بصراحة هوا رأي شخصي .. هيا مفيدة لكن مايحتاج نكثر منها ..
    دورات التفكير برضو حلوة ..
    بالتوفيق خيتو 🙂

  15. كثير قرأت عن دورات الNLP وما ادري ليش ما عمري كدا نفسي انفتحت على وحدة من هدي الدورات
    انا من الناس اللي تقرأ لكن تجلس ساعات في مكان واحد وعلى كرسي ومدري ايش عشان اسمع مستحييييييييييل مع كدا تلاقيني بحضر ندوات ومؤتمرات وانبسط منها كتير..

    تطوير النفس مو بس بالدورات.. الدورات معظمها بيحكي حاجات من تجارب وقراءات متعددة..

    المشكلة انه اللي بيصير في الدورات كلام.. والواقع كلام.. بيخلوكِ تعيشي في فانتازي لحالك وكأن العالم دا غير!!

  16. انا من الناس الا كنت أحب بصراحه ال ( NLP) واقرأ كتب ف دا الشي واتفرج للدكتور / ابراهيم الفقي
    والى الآن ….
    بس ما افكر اروح ادخل دورات
    لاني ما اعتقد ح يكون في شي زيادة على الا قرأتو وسمعتو
    عموما انا ما عرفت البرمجة اللغوية العصبية الا من
    الدكتور / ابراهيم الفقي
    على قناة art
    ومره انبسطت اياميها عليه
    وكان اسلوبو حلو بصراحه
    بس الفترة الاخيرة على قول نواف اخويا الشغلة صارت تجارية
    والناس صارت تسوي دورات ومحاضرات وحااااااالة
    ويدخل الواحد ويخرج وكانك يابو زيد ماغزيت
    😦
    على قولتك الا يعيدو يزيدو لا وكمان في ناس تحسيهم بخرف شوية
    ومنك فاااهمة
    استغفر الله بس

  17. أسماء ..
    فكرتيني بنفسي .. حتى أنا مااقدر لس في مكان واحد لفترة طويلة .. فتلاقيني يارايحة جية على الضايفة ولا أتفاعل مع النشاطات 🙂

    بالنسبة لعدم الواقعية حتى أنا حسيت بالشي دا .. يعني يعيشوكي في عالم وردي .. وكأنو الدنيا كلها حاجات حلوة …

    شكرا على مرورك أسومة ..:)

    بشورة ..
    ابراهيم الفقي .. تابعته أنا برضو فترة قي قناة سمارت .. بصراحة اسلوبه متعب في التركيز .. تجلسي مصنمة عشان تقدري تسوتعبي لانو بيتكلم مرة سريع ماشاء الله ..

    اذا عالتجارة ترى من جد سارت تجارة ..
    كل من هب ودب قام يسوي دورات .. واي واحد ماعندو وظيفة يحفظلوا كلمتين ويقولها

    تسلمي عالمرور بشوورة 🙂

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: