Archive for 6 فبراير, 2008

شروقي ..
فبراير 6, 2008

هذي الشروق

لم ولن تغرب شمسها

لانها وببساطة .. نور الحياة ..

هذه الشروق ..

تمر علينا في اليوم خمسين مرة ..

لتعلن التفائل .. كرمز للولاء ..

هذي الشروق ..

تغسل الهموم ..

تحول القلوب  .. قطعة بيضاء ..

كنهر النيل المعطاء ..

هذي الشروق ..

تزداد كل يوم صلابة ..

ومع انطلاق الفجر تبحث عن اجابة  ..

تذاكر وتعمل .. وتطلق ابتسامة ..

هذي الشروق ..

ليست شروقي ..

بل كل شروق ..

Advertisements

الشاعر \الشاعرة
فبراير 3, 2008

 

أول شي لازم تقولوا مبروك على نزول دا البوست .. من جد لو تعرفوا الحكاية حقتوا من زمان أبغى أكتب ومني لاقيه صياغة مناسبة له .. اليوم وأنا في خط جدة قلت يابنت مالك الا العاامي .. وطلعي كل اللي في قلبك وبعدين شوفي ايش رأيهم ..

ودحين دوبي جيت وقلت لازم انزله ولا محا اقدر أسوي ولاشي .. أو حيبرد الموضوع ولا حأقدر أكتب فيه مرة تانية ..

المهم .. الحكاية ومافيها .. أني أبغى أتكلم على الرسايل بين المخطوبين .. الخاطب وخطيبته .. يعني أنا قابلت حالات بنات طبعا ماأعرف اذا الأولاد عندهم زيها ولالا بس أكيد في ..

البنت تكون ماشاء الله عليها مرة تعرف تكتب ومن هيا بنت .. وأكيد ممنية نفسها يجيها واحد فاهم ويكتب شعر زي الناس .. وتتفاجأ بزوجها اللي جلست تكتبله رساله طول الليل فاتح فمه ولا هوا عارف ايش مكتوب اصلا ..

ولا يجي يبغى يرد عليها ويكتبلها شعر .. وهوا لايفهم لافي شعر ولا نثر ولا يحزنون .. ويجلس يكتب كلام لايجي لايمين ولاشمال .. وهيا المسكينة تبغى تضحك وتبكي على حضها المنحوس ..

ولا واحد من الطرفين مثلا يروح يجبله كلمتين حلوة سارقها من واحدة  من المنتديات ويجي يلصقها في كرت ويلا اللي بعدو ولايخلي صاحبه الشاعر ولا صاحبتها الشاعرة تكتبلها (ودي سارت حقيقي) ..وهيا المسكينة(وهوا المسكين) تحسب الأخ قيس \ليلى وتطير من الكلام المكتوب وبعدين تتفاجأ أنو ملطوش من واحد من المنتديات !!!

ايش رايكم بالله ..؟

ايش أحسن طريقة الواحد يتعامل بيها مع الطرف التاني .. ماقلنا شي الشعر والنثر والكتابة بصفة عامة موهبة من الله .. لكن لما أعرف انو الطرف التاني شاطر في دي الاشياء وانا لا ابينله اني مااعرف واخليه يعلمني .. والطرف التاني يتقبل الموضوع بأريحية .. واذا كنت لازم أكتب عن مشاعري .. أكتبها كلام عادي بالعامي كمان زي ماأنا باكتب دحين ..وطبعا مااحد يتريق عالتاني ..

وزي مالكل عارف ا لكلام اللي يخرج من القلب يدخل للقلب على طول .. فمافي داعي انو يتكلف ويجلس يحوس في عمره ..

ولايسوي الشي الاسوء أنو مايكتب شي ويودي الهدية بدون حاجة .. بالله مرررة مالها داعي

اخيرا ..

أبغى آرائكم ..

مواقف شفتوها أو سمعتوا بيها أو  وحصلتلكم شخصيا ..

ورأيكم في الكلام للي أنقال ..

آخر شي << والله آخر شي خلاص ..

أغنية سمعتها من قبل سنة تقريبا .. وعجبتني ..

الأغنية بالحجازي .. لواحد مغنيها لحبيبته..

اللي عجبني فيها صدق الكلمات وبساطتها .. وان شاء الله تعجبكم انتوا كمان ..

الأغنية هنا

الين هنا أنا مني قادرة أكمل .. سلام

 

مُعين ..
فبراير 3, 2008

 

 {قال فإن اتبعتني فلا تسألني عن شيء حتى أحدث لك منه ذكرا}

 

 

على الله ثم عليك ..

 

 ولك الشكر الجزيل ..

 

الى من تلجأون في حل مشاكلكم ..

أقصد الحلول الجذرية .. وليست مجرد تهدئة وفضفضة ؟؟