أي كلام ؟

قمت اليوم الصبح بدري لأنو كان عندي اختبار .. وأنا بأطل في المرايه لقيت عيوني اتنفخت من الحبة اللي كنت حاسه فيها من قبلها بكم يوم .. فقررت أني اروح أشوفها قبل لاتكبر وتسويلي مشاكل خاصة أننا في وجه اختبارات

رحت الجامعة وكان عندي اختبار تحسين مادة .. وخبصت فيها والحمد لله ع كل حال ..

المهم وانا في الجامعة قلت أروح العيادة الطبية وأخليهم يشوفولي هيا .. دخلت .. مالقيت أحد ف الأستقبال قمت دخلت وحدة من الغرف .. وأنا عند الباب كانت في طالبة باين انها “تدريب” قلتلها مافي احد عند الباب قالت .. ماادري امكن مشيو طيب ادخلي اشوفك ..

جلست .. قالت : ايش عندك

– عيني توجعني ليها كم يوم واليوم مررة اتنفخت

– ايت وحدة

– اليسار

– طيب ليش اليمين حمرا ؟

– لامافيها شي

– ع طول حمرا هيا؟

– لا كنت بأبكي 🙂

– اها طيب عينك الثانية فيها انتفاخ بسيط وانا حااكتبلك قطرة ومرهم وتحطيلها كمادات موية باردة وتتحسن ان شاء الله .. هيا بس ارهاق ومن السهر وجلسة اللاب

– اوكي طيب

– طلعت الروشتة وكتبت كلمتين .. هيا ادويتك تجيبيها من برا مافي هنا

– اوكي طيب ..

– ماسكه القلم ف يدها ومابتكتب

– خلاص؟؟

– دقيقة شويا مني فاكرة اسم الأدوية

– 🙂

– استني تخلص د. سامية وأروح اسألها .. بس تخرج المريضة من عندها

– اوكي طيب

– فكت الكتاب اللي قدامها << شكلو زي المعجم للأدوية وحاجات زي كدا وتكلم نفسها .. معقول ماهو مكتوب هنا !!\

حاولت تتكلم معايا عن الجامعة وزي كدا .. بس انا نفسيتي كانت مصدودة وماكلمتها ..

– خلصت د. سامية دحين أروح واسألها

رجعت ومعاها الروشتة

– هادا المرهم تحطيه في الليل قبل النوم .. ودي الأبرة تحطيــ …

– نعم !!

– آآآه مو أبرة قصدي …

– قطرة

– ايوة قطرة تحطي الأبرة آآه يادي النيلة القطرة 4 مرات في اليوم

– طيب 4 مرات يعني كل كم ساعة

– امممم 8 لالا 6 مااعرف اقسميها انت

– خرجت الجوال وقسمتها : الجواب 6 🙂

– ايوة كل ستة ساعات يعني

– طيب شكررررا ومع السلامة

وانا عند الباب لقيت صحبة ليا .. هند سلاامات اشبك .. الله يسلمك عيني بس .. اها اعطوكي قطرة ومرهم .. ايوة

طيب حلو أنا اعطوني نفسها

– كل 6 ساعات؟

– ايوة

– كويس انت قلتيلي أطمن .. سلام

– << مستغربة سلام


🙂

ايش رايكم في الدكتورة ياجماعة ..

Advertisements

12 تعليق

  1. الله يستر ،، يبدو أنك أول تجربة تشتغل عليها 😛 ،،
    نصيحة ،، روحي لدكتورة ثانية بالجامعة أو برا ،، لا تروح عينك بلاش 🙂 ،،

  2. عبدالمجيد..
    من جد شكلها أول تجربة ..
    لو هيا اللي وصفت الدوا ماكان سمعت كلامها .. بس لأنها سألت الدكتورة الأساسية ..
    أشكرك .. قرأت الأدوية كويس وعرضتها ع دكتور المنزل 🙂

  3. هههههههههههههه

    أي دكتور منزل حددي ترى عندنا كتير كل واحد دكتور في البيت..

    وبالذات ايام الاختبارات كل واحد صرف..

    يلاا سلامات والله ماتشوفي شر

    وكلو بأجرو..

    وعلى فكرة..

    ( هادي وحدة من الديون الي عملتيلي هيا من كنت صغير )

    ومررره تانية سلامات والله

    أخوكي دله

  4. كلامها يحسسك بعدم الثقه ..
    و العين غااليه يا أيانق ، ماتشوفين شر يارب ..

  5. ماتشوفي شر
    والف سلامه يارب

    (F)

  6. الله يخلف على الباكيج الطيب المتبقي من الطبيبات 🙂

    اقلك بلاش تستخدميها دي الاشياء

    تعالي عندي انا اوصفلك معقم ومرهم >>> ترا خبرة في حبوب العين 🙂

    ماتدري انا اكتب وصفات دايما >>>اسألي عميدتكم خخخ

  7. و الله شكلها قطرة سعة صدر، موية معباة :d

  8. هههههههههههههههه

    صدق من قال : شر البلية ما يضحك 🙂
    بس برضو ماعليه .. يشفع لها انها لسا جديدة ع الوسط الطبي 😛

    ألف سلامة ع عيونك أيانق =)
    يارب ما تشوفي شر ..

  9. هم يبكي و هم يضحك

  10. سلااااااااااااااامااااات هنوده ماتشوفي شر

    **ياحبيييييييييييبي..الله يخلف ع الطب والدكاترة ..اذا كان الدكتور المعتمد وقد الدنيا على قولهم بيغلط ويرتكب جرايم ولااحد عنده ..كيف حيطلع الجيل الجديد واعي وناضج وفاهم في الطب؟..

    والله يختي الدكاترة صاروا يخوفوا ..تدخلي وانت حاطه يدك على قلبك من كثر ماتسمعي من مصايب

    الله يكفينا الشر ولايحوجنا لاحد يارب

    وسلامات مره تانية 🙂

  11. احببت دعوتك إلى هنا

    http://www.e7twa.com

  12. هههههههههههههههه

    أحلى ما في الموضوع أنها كانت حتعطيكي ابره 6 مرات في اليوم

    هههههههههههههههه

    سلامتك والله يا هند .. لا بأس عليكي …طهور ان شاء الله

    أهم شي انتبي من دولا الدكاترة لحسن الاخطاء الطبية بتزداد

    الله لا يوريكي مكروه لا في نفسك ولا في غيرك

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: