إيش نقوول ؟

لأختي لين والعطاس حكاية ..

لما كانت صغيرة من يوم مااحد يعطس تبكي .. والمشكلة مو تبكي على طول .. تطل فيك بنظرة 😐 وشوية شوية تبكي ..

منظرها دا كان مررة يضحكني وأبغى أشيلها أسكتها ماأقدر ..

والمشكلة ماتبكي وتنفجع من نفسها لما تعطس هيا 🙂

..

كبرت لين ماشاء الله وحتكمل سنتين في رمضان ..

قبل كم يوم علمتها تقول الحمد لله لما تسمع أحد يعطس .. أو هيا تعطس

اليوم ..

سمعتني وأنا بأعطس وقالتلي الحمد لله بدون أي توجيه ماشاء الله عليها ..

والمشكلة أنا مزكمة وهيا تعيد ورايا ..

حسيتها تعبت 🙂

كيف أفهمها أنو المزكوم لايشمت ؟

Advertisements

12 تعليق

  1. حطي لزقة على فمها 🙂 ،،
    قولي لها ان الي يعطس واجد ما نقول له يرحمك الله ،، بأسلوب بسيط ،،

  2. سلامتك والله يا أيانق

    ايش دا عينك وزكمة ومني عارف ايش

    لا بأس عليكي … طهور ان شاء الله

    وربي يحفظ أختك ويخليها لكم ويحميها من كل سوء

    انا من رأيي … ان شويا شويا عليها

    أصبري عليها فترة وعلميها التفاصيل

    عاد انتي ادرى مني … مين اللي بيدرس رياض أطفال

  3. هههههههههههه
    شيء مضحك والله
    الأطفال عليهم مواقف!

    ربنا يحفظها ويبارك فيها

  4. هههههههههههههههه ربي يحميها ليونة
    عاد اش اقول على اللي عندي? بيتحمدوا حتى على الكحة يا بنتي مو بس العطاس 😀

  5. رد على أسماء:
    😀 اعاااااانك الله


    ايانق :
    حلاوة الاطفال في سنوات التعليم الاولى مثل أختك، اتركيها ويوم تكبر تقول: اووووه ! انا كنت أقول كذا 😀 !

  6. صارخ بصمت ..
    الله يسلمك دا كله هروب من الاختبارات 🙂
    الشر مايجييك ..
    خلاص حااصبر عليها .. عادي ماعندي مشاكل بس ماكنت ابغاها تتعب ..
    هيا سويلي زي كل الناس .. مو انتي رياض اطفال اتصرفي .. !!
    ترا بندرس نظري ياجمااعة 😦

    مصطفى ..
    الأطفال زينة الحياة وماتحلى الحياة بدونهم .. مع انهم يطفشوا شويا 🙂
    تسلم عالمرور ..

    أسماء ..
    اووه أجل الحالة اللي عندي أسهل 🙂
    الله يخليلك أولادك يارب ..
    نورتونا ياهوو 🙂

    سلوى ..
    أحنا موثقنلها كل شي بالصور والفيديو والكتابة عشان نقلها لما تكبر ايش كانت تسوي 🙂
    ح تنبسط وتتفشل خخ
    تسلمي عالمرور 🙂

  7. ما تشوفين شرر
    مالك الا ندعي لك ربي يشفيك
    عشان تتشافين من العطاس
    ولا تتعب الصغيره معاك
    🙂

  8. ياحليلها ليلو ربنا يخليلكم هي 🙂

    سيبيها بكرة تكبر وتتعلم التفاصيل

  9. حلمي معي ..
    جبتها .. هذا أحسن حل 🙂

  10. الله يشفيكم و يعافيكم ..
    🙂

  11. هههههههههههه

    هند

    اعصابك ربي يرضى عليكي

    ما قصدت شي. .. بس بقلك يعني انتي أدرى مني في الأمور دي

    أولا من ناحية دراستك حتى لو كانت نظرية

    ثانيا من ناحية انك بنت … وعندك عاطفة الأمومة

    ونظرا لأن دولا الاتنين متوفرين عندك يخلوكي مأهلة أكتر مني للافتاء

    غير كدا انا ولد وماعندي غير أخوين اصغر واحد منهم في المتوسط يعني نسيت كل شي يتعلق بالطفولة ولا أعرف غير التعامل الخشن هع هع

    وبما انك فتحتي موضوع النظري …

    فذكرتيني بوحدة كانت تربي بنتها على كلام الكتب

    كتاب يقول خلي بنتك تاكل زي ما تحب وتلبس زي ما تحب عشان تكون شخصيتها قوية ومؤثرة في المجتمع

    وسارت البنت الصغيرة ما تلبس الا مبهدل لانها تحب كدا وما تاكل غير الحلويات .

    ولو أي أحد اتجرأ وفكر يفتح فمو حتى لو للتثاؤب يبدا البكاء الشديد والعناد

    في النهاية مع ان البنت لسه صغيرة سار الكل بما فيهم الكبار ما يمزحو معاها ولا يكلموها ويبعدوا عن المشاكل

    والبنت المسكينة سارت محرومة من ان الناس يطالعو فيها بنظرة البراءة

    مع ان البنت عايشة في طفولتها الى الان …

    الله يهديها ويهدي أهلها

  12. ههههههههههه
    اي صح لية يصيحون البزران لما احد يعطس 🙂 بس اذا اهم اعطسوا لا عادي حلال عليهم لوووووووووول

    الله يخليها لكم يارب 🙂

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: