عودة ..

غداً هو اليوم الأول من أيام السنة الجديدة .. هذي السنة هي السنة ال11 لي في مكة منذ إنتقالنا من مدينة جدة إليها ..

يعني من اليوم ورايح أنا سرت مكاوية بعد ماسار عمر سكني في مكة مثل عمر سنواتي في جدة ..

وحتلاقوني من اليوم ورايح لابسة المحرمة المدورة وجالسة عند دوار الدوارق أستقبل الرايحين والجايين 🙂

<< طبعا دا بعد مااتخرج وأسير فاضية 🙂

..

الحمد لله ليا أكثر من أسبوع وأنا مروقة دماغي من الجدول .. أوقات المحاضرات حلو .. عدد الساعات حلو .. بس ماأعرف مين طاقم التدريس الموقر اللي حيمر عليّا .. وبيني وبينكم مو لازم أعرف لأنه في أحيان كثيرة يغيروا الأستاذ\الأستاذة ويعطوا المادة لأحد ثاني .. فمخليتها كدا على ربي ..

..

كنت خايفة بعد الترم الصيفي اللي أخذته أني أرجع وأنا طفشانة من الجامعة ومني طايقتها .. بس الحمد لله نفسيتي مرة حلوة ومبسوطة بالرجعة .. بيني وبينكم رمضان غيّر الأجواء التقليدية .. وأتمشينا في دي الفترة وأنبسطت الحمد لله ..وشكلي حأعيد تجربة الصيفي .. لأنو ناسبتي ولله الحمد ..

..

السنة الجية زي دا الوقت تحديداً حأكون في سنة التخرج خلاص .. !!

أنا إلى يومكم دا مني مستوعبة أني سرت 3 جامعة ..

لسا قبل فترة كنت مستجدة وماأعرف المباني وأضيع فيها .. في غمضة عين سرت 3 جامعة ماشاء الله ..:|

مانقول غير الله يسهلها علينا ان شاء الله ..

..

اللهم يامعلم آدم علمنا ويامفهم سليمان فهمنا .. اللهم أرزقنا الحكمة وفصل الخطاب .. وآتنا سؤلنا .. يارب العالمين ..

اللهم أمدد علينا بعلمك وفضلك .. وأجعلنا من العالمين العاملين العارفين .. وفقهنا في أمور ديننا ودنيانا .. أنت على كل شيء قدير ..

إلا متى بتجي الإجازة تاني 🙂

Advertisements

7 تعليقات

  1. ربي يديم عليك الصحة والعافية والرواق ..
    ويوم سعيد بإذن الله ..
    الاجازة الجاية طال عمرك تاريخ 4 ذو الحجة ..
    حذفت حصاه وتصير اجازة لمدة عشرة أيام 🙂

  2. ياحليلك ياهنودة ، أثاريك صغنطوطة ..
    الله يوفقك حبيبتي ، غمضه عين وتتخرجين ، وتدخلين الحياة الحقيقية 😀
    مستعجلة ع الاجازة ،، اقل من شهرين ان شاءالله ..
    اللهم آمين ..

  3. الله يوفقك يا رب وييسر أمورك ..
    وعقبال ما تتخرجين من الجماعه وتلبسين ” طرحة ” التخرج من العزوبيه 😛 !

  4. يالله ياهندوو

    الى الآن مني مستوعة اننا ماشاء الله في 3(يعني سنه ونتخرج)

    الله يسهلها علينا ويجعل كل من يدرسنا من اطيب واحسن الدكاترة
    امييين

    **هندو وصلت لسنه3 ومااا…..هع

    قريب ان شاء الله

  5. يالله ياهندوو

    الى الآن مني مستوعة اننا ماشاء الله في 3(يعني سنه ونتخرج)

    الله يسهلها علينا ويجعل كل من يدرسنا من اطيب واحسن الدكاترة
    امييين

    **هندو وصلت لسنه3 ومااا…..هع

    قريب ان شاء الله

  6. ود..
    آمين يارب .. وإياك والجميع ان شاء الله ..
    يلا نستناها بفارغ الصبر .. هذي من الاجازات الجيدة اذا احسنت الاستغلال .. لكن عموما عندنا في مكة تنقضي مع الحجاج ..
    نستناها .. اذا ربنا احيانا 🙂

    فتون ..
    ههه .. برضو صغيرة !
    آمين يارب ويوفقك كمان ان شاء الله .. وتنبسطي في عملك 🙂

    نوف ..
    آمين يارب .. في حياتك يختي 🙂
    وعقبالك انتي كمان يختي .. الماستر مع عقد القران 🙂

    أمنية ..
    شايفة كيف ..
    لسا كنت احكي اختي لما دخلنا أولى متوسط وأول مرة نلبس المراييل البنية .. الأيام تجري يختي 🙂
    آمييين يارب .. قيدي من جد شختك بختك ..
    ههه في حياتك :p

  7. مبرررروك ياهنده وعقبال مااحضر فرحك واشيل اولادك يارب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: