:)

وأخيراً .. تدوينتي الأولى من غرفتي الجديدة .. (المستقلة) ..

اليوم تحققت أحد أحلامي .. أن أسكن في غرفة منفصلة قبل أن أتزوج 🙂

الجميل فيها بالطبع أنك تتحكم في إضاءة الغرفة كما تريد ووقتما تريد .. !

والمزعج فيها .. أنني سأنام منفردة بعد 20 عاماً من نومي مع أختي في نفس الغرفة ..

عموماً .. أبارك لنفسي هذه الاستقلالية .. وعقبال ماأخلصها وأوريكم صورتها ..

ع فكرة .. لونها أحمر 🙂

..

كيف حال فؤادكم الصايم ..

^

^

اللي يعرف عبارة “المجاملة” اللي تنقال مع دي المقولة هوا الفايز ..


(( ممنوع دخول المكاكوة )) 🙂

تحديث ..

بما انه محد فيكم عرف الجواب فأنا حااقلكم هوا

الجواب هو :

عالشوربة هايم 🙂

^

^

متعوب عليه صح 🙂

Advertisements

23 تعليق

  1. طيب والمكاوكة الجهلا؟ ينفع والا لا؟

    مبروك يا حلوة،، الإستقلالية دي شيء ينشرى!!
    هنيالك 🙂

  2. إن شاء الله على النعيم دايم 😉 ..

    عالبركة يا هند (صح؟) .. والفال لي إن شاء الله -__-” .. أخوي ناشب لي بهالغرفة من يوم ولادته :/ ..

    تعمرينها بالطاعة إن شاء الله 🙂 ..

  3. مبرووك على الغرفه المستقله

    مع اني مكاوي بس مني عارف ايش المقوله اللي تنقال ؟؟!! :S

  4. ألف مبروك على الإستقلال
    مقدر و فاهم شعورك 🙂

  5. نجاة ..
    الله يبارك فيكي .. 🙂

    افاا بس .. دا وانا اتوقعتك تعرفي ..
    فكري تاني ..

    عبدالمجيد..
    الله يبارك فيك .. من جد عقبالك ..
    حاول تصرفه يمين يسار .. صدقني غرفة متر ف مترين لحالك ولا غرفة كبيرة مع أحد .. 🙂

    ماجدوه ..
    برضو كدا :S
    فكر مرة تانية .. أسال اللي جنبك يمكن يعرف ..

    الله يبارك فيك ..

    وسيم ..
    الله يبارك فيك يارب ..
    مجرب الشغلة ومايحتاج ..
    بس لسا احنا ماجربنا طفش الوحدة ..
    🙂

  6. حاجة زي: بخير، الله يسلمك..
    يسلم عليك 🙂

    هع..
    مدري عنك،، بس مبروك مرة تانية وتالتة ورابعة.. ترى مرة نعيم ربنا يسعدك بيه.. 🙂

  7. لاع 🙂
    انا لما اكتشفت قلت اووه متعوب عليها هع
    فكري تاني ..

    الله يبارك فيكي مليون مرة 🙂 آمين يارب ويسعدك ان شاء الله ..

  8. أنا أبداً مو من مكه
    و غرفة مباركه إن شاء الله

  9. ان شاء الله على النعيم دائم

    مبارك لك الغرفة المستقلة

    و حلو اللون الأحمر

    تكركبيها بالعافية 🙂

  10. مبارك عليكي الغرفة وان شاء الله تقضي فيها أوقات ممتعة …..
    مني مكاويه .. 🙂

  11. اسراء .. “أم صالح”
    المشكلة حتى أهل مكة ماعرفولها ..
    الله يبارك فيكي .. وحشتينا 🙂

    بريق ..
    آمين يارب ..
    انا شهادتي مجروحة ف اللون الأحمر ..
    ياهلا بيكي 🙂

    شدا ..
    الله يبارك فيكي .. عندي مكتب أحمر يجيب الالهام 🙂
    طب ولا ف الثقافة الجداوية مافي دا الشي عندكم ؟

  12. عندي غرفة صفراء فاقع لونها تسر الناظرين .. بجد
    كأنك عايشه في حضن الشمس 😛
    ولاتحاولي تغريني بالمكتب الأحمر .. ولو انو لو دور برضو 🙂
    ولا في الثقافة الجداوية

  13. عقبالي 😦
    أنا يقولوا لي بغرفة زوجك وين الاستقلال بالله 😦
    ابي استقلال ياعاااااااااااااااالم !

  14. عالبركة ايانق الله يعطيك خيرها ويكفيك شرها
    ننتظر التوثيق المصور 🙂

    بس ماعرفت اش الجملة اللي تنقال !!!

  15. مبروك الف مبروك هنوده ..
    انا عكسك .. من يوم وانا صغيره وانا مستقله في غرفه لحالي ..
    بس خلال الخمس سنوات الاخيره .. مع قله عدد الغرف ، وقيام امي بدورها الطبيعي في عملية الانجاب – ماشاءالله- ..
    صار عندي فجأة اثنين في الغرفه ..كنت انتظر غرفتي الجديده في بيتنا الجديد “المستقله” .. بس الزواج شكله بيسبق الاستقلاليه 😀

  16. ع البركة ياستي
    الله يعطيك خيرها ويكفيك شرّها ..

  17. مبروووووك ..

    والله يعطيك خيرها ويبعد عنك شرها ^^

  18. تتهني فيها ياربّ .

  19. ع البررركة .. منزل مبااارك .. 🙂

  20. مبروووك الإستقلال 🙂

  21. شدا ..
    مبروك عليكي الغرفة الصفراء .. دا اللون كنت ماسكه فيه كم سنة 🙂

    toop
    اعرف كم وحدة بعد مااتزوجت .. بعد 20 سنة واكثر زواج تبا تستقل ف غرفة ليها وزوجها مارضي هع
    فيا تستقلي من دحين يامعد فيه .. 🙂

    اوده ..
    يبارك في عمرك يارب ..
    كلكم خسرانين محد عرف فيكم 🙂

    فتون ..
    يلا كويس انه عمرك استقليتي .. في ناس من بيوتهم ع ازواجهم وماعمرهم استقلوا ..
    ومبارك زواجك .. مقدما 🙂

    وحدي معي ..
    الله يبارك فيكي يارب ..

    بيان ..
    آمين ان شاء الله 🙂

    benoo..
    آمين .. شكرا 🙂

    همس الأيام ..
    اله يبارك فيكي ..احنا في نفس المنزل بس أنا حصلت ع غرفة جديدة 🙂

    بندر ..
    الله يبارك فيك 🙂

  22. ألف مبروك ان شاء الله تنبسطين بغرفتك و ربي وناسة

    اللي له غرفه لحاله انا زيك قبل سنة نقلنا لبيتنا الجديد و صار لي غرفه لحالي

    كان ودي اشيل السوق كله و احطه بغرفتي

    الله يجعله منزل مبارك اذا كان جديد يعني 🙂

  23. عالبركة عالبركة
    مافيه احلى من الغرف المنفردة (قلب)

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: